Senior yoga er ei roleg og tilpassa økt med fokus på ledd, pust, balanse og enkel styrke. Timen passar for alle, uansett alder og fysisk nivå. Øvingane er enkle, trygge og effektive, og bidreg både til førebygging og til å styrkje ledd, musklar og mobilitet i kroppen.

Gjennom timen kombinerer vi pusteteknikkar, mjuke leddøvingar, enkel styrketrening, balanse og god tøying av muskulaturen. Dette kan vere med på å betre haldning, auke mobilitet, redusere stivheit og gi meir tryggleik i kvardagslege rørsler. Samstundes gir den rom for avspenning, betre konsentrasjon og ei kjensle av indre ro og velvære.

Heile økta blir gjennomført med stol som støtte, og vi sit ikkje på golvet. Det gjer timen ekstra tilgjengeleg og komfortabel for dei som ønskjer ei skånsam treningsform.